Waiata a-iwi.

Our whakapapa and history is entrenched in our waiata. Here you will find traditional waiata of Ngāti Toa.

One of the best ways to learn about who you are and your Toatanga is to learn these waiata. ​ Click on the videos on the left and the kupu are on the right. Kia kaha tātau!

Mōteatea

 

Learn our Ngāti Toa Waiata

 

  • Tērā ia ngā tai o Honipaka

    Ka wehe koe i ahau e

    He whakamaunga atu nāku

    Te ao ka tākawe

    Nā runga mai o te Motu

    E tū noa mai rā koe i ahau, e

    Nāku ia rā koe i waiho i taku whenua iti

    Te rokohanga, te Taranga i a tāua

    Ka mihi mamao au ki te iwi rā ia

    Moe noa mai i te moenga roa

    Ka paria e te tai, piki tū, piki rere

    Piki tākina mai rā, tē kawea au e te tere

    Te Kawau i Muriwhenua

    Tēnā taku manu, he manu ka onga noa

    Runā ki te whare, te hau o Matariki

    Mā te whare-pō-rutu-e

    Mā te rahi Āti Awa

    E kautere mai rā

    Whakaurupā taku aroha, nā i

  • Tōea mai rā te ata i Kapiti

    Engia ko te hoa, ko taku whenua tupu

    I kapakapa atu ai te tau o taku ate

    Nā Tūmata Pongia

    Nā Tūmata Warea

    Warea ai te ngākau i haere ai koe

    Moe ana te huia

    Tangi ana te kotuku

    I runga o Titere

    He au herea toroa na..

  • Kaore te tukituki te tau o taku ate

    Me pewhea ra te whakahokinga mo te Kihirangi

    Tenei ano te Whare-kaponga

    Te moe i te whare kai a te kuri

    Ka rite rawa waiho e..

    Ko wai te tupuna i noho ki te haere

    Rongomaipapa ka haruru ki tawhiti

    Te Moana Pounamu ia Ihipa

    Te Ruruku o te rangi, ko te Okoro, ko te pakipaki

    Te Kauru o te rangi, tou taonga i hoki mai ai

    Ko te Heketua na..

    I hoki ano i a Maru ki runga i te uru-ranga o te rā

    I a Uenuku-ko-Ihu, Kahukura-Mihiata, Tukaki

    Me ko Hinehope, te Ngunguru-ki-te-Rangi

    Hinematioro, Kahiwa, Te Kani-a-takirau

    Ka oti atu e..

    He nui ano o tupuna i haere ki tawhiti

    I a Pouriao, ko Pu-na kiao, Ta-uhu-whakatiki, Kaimatai

    Ko Tamangarangi, ko Muriwhenua

    I a Pohepohe, i a kukutai

    Ko Te Kanawa e..

    He aha te he i a Ngatoro i haere kuini

    Me aha Maromuka nana te Ao-hinga

    Te Ihonga o Kura waero

    nana i ai atu Kaitawhara

    ka puta kei waho, Korouaputa, Parekowhatu, Waitohi, Te Rauparaha

    Rangihaeata me ko Rangitopeora

    Ko nga toru e..

Haka

 
 

  • He oranga nei hoki tātou i te Parekura

    I Manawa-toki tū-tū ko te hika o tōu whaea

    Kia matapopore mai ki te pirau o tōu whanaunga

    Wai he runga tōu whanaunga?

    Whanaunga i mate ki te pō, tini ki te pō, mano ki te pō e, ngā korekore o te pō

    Hei te pō, hei te pō

    Hei te ao, hei te ao

    Hei te pō, hei te pō

    Hei te ao, hei te ao

    Ka whero ee, ka whero ee

    Ka whero koa te ngutu o taua wahine o taua tangata

    Ka whakapua kōwhai-ngutu kākā-pārera tukituki

    Mā wawai e mā-mo-mia ake tāea te tō whēwhē

    Ka haere tēnei ki te puhi-ka rewa-rewa ki ōna moko

    Ki āhau hei aha- hei whakatō te tamutamu

    Nō whea ake ko te tamutamu?

    Nō te awa pū-hi-kā, ko te tamutamu

    Kii mai nei Rēhia tō mana anake te Kokihi

    Aue e mate te kōkihi

    Kii mai nei Reu-are mana anake te Kororā

    Aue e mate te Korora

    Tēnei kūkutia tēna kokopia ki te tohe mai koe

    tena wherahia

    hei aha - he kai mā te niho kehokeho

    He keho anō e tū ake nei

    Ngaua ki ō niho-au he mamae poto-kei pākōkō

    Kei tua tēna-waikuri

    TIHEI MAURIOA!

    E Uhi tai uhi tai e...Uhi tai uhi tai e

    Uhi tai ana koa te maunga ki Whitireia

    Kei tūtuki tōu waewae - ki te poro o tōu paewae

    E uhi tai uhi tai e...e haramai ana ngā toa i runga i raro i a Muriwhenua

    I ā te mā whai aha

    Ara ra i teke pakupaku e kui

    Ara ra i teke pakupaku e koro

    Kei te Uru, kei te Tonga, kei te ngākau Pākeke

    Aue a ha ha

  • Kīkiki kākaka kau ana kei waniwani ai taku tara

    Kei tara wāhia i te rua i te kerokero

    He pounga rāhui te uira

    kararapa ketekete kau ana

    tō peru kei riri mau au e koro e

    Hī! Hā!

    Ka wehi au a ka matakana

    Ko wai te tangata kia rere urere tirohanga

    ngā rua rerarera

    ngā rua kurī kaka nui-i-rāro āhaha!

    Ara!

  • Ka mate, ka mate

    Ka ora, ka ora

    Ka mate, ka mate

    Ka ora, ka ora

    Tēnei te tangata pūhuruhuru

    nāna nei tiki mai whakawhiti te rā

    Ka ūpane, Ka ūpane

    Ka ūpane, kaupane

    Whiti te rā!

Pātere

 
 

  • Tau mai e Kapiti te kainga o te hunga

    Kua wehe ki te iwi nui i te po

    Te marae i Waiorua tenei te mihia

    Te wahi i ta nuku ai te whakaaro o te motu

    Kia patua o tamariki ko pai na e koe

    Hei tohu ki nga uri whakaheke mai

    I te mana o tu a whakarere iho, i te mana, i te wehi, o Io nui..i

    Tau mai e Kapiti te whare wananga

    O ia, o te nui, o te wehi, o te toa

    Whakakaupapa i te noho tahi a Awa, a Toa, a Raukawa

    I heke mai i Kawhia ki te kawe tikanga

    Hei ora mo nga uri o muri nei

    Tau mai e Kapiti te kainga tupu

    O te wehi, o te Toa, o te whakamanawanui..i

    Tau mai e Kapiti te kainga o te kino

    O te mau a hara o te kaitangata

    E ai ra hoki ki nga kupu whakapai

    O nga iwi maha o te motu nei

    Ko rangatira te marae tenei te mihia

    Tona rite he marae paenga whakairo

    Ki roto o Kaiweka he marae rongonui

    Ki runga ki raro tawhio noa..a

    Tau mai e Kapiti whakataretare mai

    Ki te rangatahi e hao nei

    Ko wai ka hua ko wai ka tohu

    E mau ki nga mana e ngakia e koe

    Uhia mai ra te manaakitanga

    O nga tupuna kua wehe ki te po

    Hei mauri whakakaha i te hinengaro

    A Tama, a Hine e pai nei